مهاب مميش: زوجتي متفانية ولدى 5 أحفاد أشقاهم إسماعيل

توجه الفريق مهاب مميش، رئيس هيئة قناة السويس ورئيس الهيئة العامة لتنمية المنطقة الاقتصادية لقناة السويس الأسبق ومستشار رئيس الجمهورية لمشروعات محور قناة السويس والموانئ البحرية الحالي، بجزيل الشكر إلى زوجته لرعايتها أبناءه وحرصها على تفوقهم بالإضاة إلى رعايتها للأحفاد أيضا و«أنها تفانت في أداها كأم» مضيفا: «أن الأم المصرية فاضلة وتتفانى من أجل أولادها».

وأضاف «مميش» خلال استضافته في برنامج «المواجهة» المذاع على فضائية extra news وتقدمه الإعلامية ريهام السهلي، أن الأحفاد مثل الفاكهة التي يرسلها الله للإنسان ليفرح في أخر عمره وينسى الإنسان نفسه عندما يتعامل معهم لأن تعليقاتهم والدفء العائلي معهم يكون قوي، موضحا «أنه يمتلك 5 أحفاد وأشقاهم إسماعيل»، موضحا «أن حفيده علي غالي عليه جدا ويعتبره ابنه الثالث وهو يعاني من توحد»، متابعا: «مدخلتش في اختيار تعليم بنات، أمهم كانت متابعة كويس، بس عندي مبدأ البنت مهما علمتها هتروح على بيت جوزها، الولد هو اللي تقلق عليه لو مش هيتعلم صح».

واختتم حديثه مبينا أنه كان هناك مواقف لا ينساه ومن ضمنها حادث أثناء ثورة 25 يناير حيث كان في البحر ولم يكن يعلم بالثورة وكذلك الطاقم الموجود معه، مشيرا إلى أنهم كانوا على علم بوجود تظاهرات لكن لم يخبرهم أحد بسر وجود مظاهرات.

وتابع مميش: «الشارع مولع بره، وقفت سيارة مكافحة حرايق على بوابة القوات البحرية وقولتله لو حد جيه هسلط خراطيم المياه عليه، وفعلا وأنا وقاعد سمعت صويت جامد أوي، وناس كميات كانت عاوز تدخل القوات البحرية، وخرجلتهم قولتلهم في أي قالوا لي إحنا جايين نكسر صورة الرئيس الأسبق محمد حسني مبارك الموجودة بالقوات البحرية، قولتلهم خدوا بالك دي قيادة القوات البحرية وعملت خط في الأرض واللي هيعدي الخط مسئول عن نفسه، عشان جوه في معدات ووثائق أسلحة بتاعت مصر».

و«قولت اللي هيعدي الخط ده على جثتي، وجبت اللواءات وقفتهم ثم العمداء ثم المقدمين وأخر صف كان للجنود وتحدثت مع الناس وأعلنت لهم اتظاهروا ده حقكم وإحنا حقنا نحافظ على القوات البحرية، متخلوش المصري يتقاتل مع المصري دي هتبقى نهاية مش بداية، وكان موقف صعب أوي بس العسكرية شرف وانضباط وخلق كريم وشجاعة وقرار ولو مكنتش عسكري كنت هتمنى أبقى عسكري واللي بيحصل دلوقتي بنشوف الرئيس عبد الفتاح السيسي  بيتابع ما يحدث ومبينمش ولما بنطلع وظائف مدنية زي ما حصل معايا بستخدم أسلوبي المنضبط».

 

مصر      |         (منذ: 4 أسابيع | 18 قراءة)
.